अपराध

गुल्मीमा बेच्न लैजाँदै गरेको १३५ लिटर घरेलु मदिरा प्रहरीद्वारा बरामदपछी नष्ट

सुरेश थापा
गुल्मी, बैशाख १३ । गुल्मीको सत्यवती गाउपालिका जोहाङमा घरेलु मदिरा नियन्त्रण गर्ने अभियानलाई तिब्र पारिएको छ ।

अभियान अन्तर्गत इलाका प्रहरी कार्यालय जोहाङ्ग गुल्मीबाट मोटरसाईकल गस्तिमा खटिएको प्र.ना.नि. खुम बहादुर कुवँरको टोलिले रुरुको रिमुवा देखि खैरेनी लैजाने रक्सि बरामद गरेको छ ।

रुरु गाउँपालिका वडा नं. ६ रिमुवाबाट बिक्रि वितरणको लागि सत्यवती गाउँपालिका वडा नं. ६ खैरेनी बजार तर्फ ल्याउँदै गरेको १३५ लिटर अबैध घरेलु मदिरा बरामद गरेको हो ।

मदिरा बिक्रि वितरणमा संलग्न युवतीहरुलाई आगामी दिनमा अन्य पेसा व्यवसाय गर्ने सर्तमा कागज गराई छोडिएको प्रहरीले जनाएको छ ।

घरेलु मदिराका कारण समाजमा झै झगडा तथा अशान्ती फैलिने गरेकोले नियन्त्रणको लागी सक्रिय भएको इलाका प्रहरी कार्यालय जोहाङले जनाएको छ । यसअघि पनि प्रहरीले विभिन्न समयमा घरेलु मदिरा बरामद गरि पटक पटक नष्ट गर्दैै आएको छ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D