अपराध

गुल्मीमा बाघको छाला सहित ६० बर्षिय पाण्डे पक्राउ

गुल्मी, ३ चैत । प्रहरीले बाघको छाला सहित गुल्मीमा एक जनालाई पक्राउ गरेको छ । प्रहरीले कालीगण्डकी गाउँपालिका-१ बकेवा बस्ने ६० वर्षीय बालकृष्ण पाण्डेलाई बाघको छाला सहित शुक्रबार राति पक्राउ गरेको हो ।

प्रहरी चौकी पूर्तिघाटबाट खटिएको प्रहरीले उनको घरमा १ मिटर लम्बाई र आधा मिटर चौडाई भएको उक्त बाघको छाला सहित फेला पारी पक्राउ गरेको नेपाल प्रहरीले आफ्नो अधिकारिक वेबसाईट मार्फत जानकारी दिएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D