gulminews logo
मंगलवार, २०७९ श्रावण २४

गुल्मीको एक सरकारी कार्यलय भित्रै छुवाछुत, सिडियो पौडेलले दिए मुद्दा हाल्ने चेतावनी

प्रेम सुनार
बुटवल, असार २८ । नेपाल सरकारको स्वास्थ्य केन्द्रका स्वास्थ्यकर्मीहरु विच नै छुवाछुत सम्बन्धी बिभेदको खुलासा भएको छ । गुल्मीको एक स्वाथ्य संस्थामा दलित समुदायकी एक स्वास्थ्यर्कीलाई सहकर्मीबट भएको चरम जातिय बिभेदको खुलासा भएको हो ।

अस्लेवा स्वास्थ्य चौकी सत्यवती १, अस्लेवामा कार्यरत रेखा घिमिरे बिश्वकर्मा समुदायकी स्वास्थ्यकर्मी हुन् । उनलाई त्यही कार्यरत अर्की अनमी लक्ष्मी पाण्डेले छुवाछुद विभेद गर्दै आईरहेको समाचार गुल्मीन्युजलाई प्राप्त भएको छ । अनमी घिमिरे भन्छिन्, ‘६–७ जना स्टाफ छौं । अरु कसैले विभेद गर्नुहुन्न । लक्ष्मी म्याडमले मात्रै असाध्धै छुवाछुत विभेद गर्नु हुन्छ ।” उनले थपिन्, ” हामी संगै उपचार गर्न पनि हिँड्नु पर्छ, गाउँसमाजमा जाँदा पनि मलाई उहाँले तल्ला जातकी हो भनेर बिभेद गर्न छोड्नुहुन्न ।”

आफुमाथी भएको जातिय बिभेदको बारेमा घिमिरे ले थप बताईन्, “अफिसमा काम गर्दा चिया र पानी समेत मैले छोएको खानुहुन्न, उहाँको विभेदले मलाई टिक्नै गाह्रो परेको छ ।”

यस सम्वन्धमा सत्यवती गाउँपालिका वडा नम्वर १ अस्लेवाका वडाध्यक्ष भिमप्रसाद पाण्डेको ध्यानकृष्ट गराउँदा उनले पनि अनमी घिमिरेवाट त्यस्तो गुनासो आएको बताए । उनले भने, ‘ हो त्यस्तो विभेद भएको सुनेपछि आजै म त्यहाँ गएर सम्झाएको छु, आगमी दिनमा त्यस्तो नगर्ने भएका छन् ।’

श्रीमान श्रीमती एउटै कार्यालयमा, मनपरी भएको गुनासो
अस्लेवा स्वास्थ्य चौकीका प्रमुख अहेव कृष्णप्रसाद पाण्डे र अनमी लक्ष्मी पाण्डे श्रीमान-श्रीमती हुन् । उनिहरुको त्यही स्वास्थ्य चौकी नजिकै पाण्डे मेडिकल क्लिनिक रहेको छ । उनीहरु श्रीमान श्रीमतीले झोलामा औषधी ओसार–पसार र विक्रि वितरण गर्ने गरको आरोप समेत नाम नबताउने शर्तमा एक स्थानियले लगाएका छन् ।

स्वास्थ्य चौकी प्रमुख पाण्डेले भने ति आरोपहरु निराधार भएको दावी गरे । उनले भने, ‘अरु कुरा त सवै निराधार हुन, छुवाछुत विभेदको सम्वन्धमा आजै वडाध्यक्ष आएर भन्नु भएको छ । छुवाछुत उनले गरे जस्तो त लाग्दैन । यदि गर्ने गरेको भए आगामी दिनमा त्यस्तो हुने छैन ।’ श्रीमती पाण्डेसंग भने उनले सम्पर्क गराउन चाहेनन् ।

सरकारी कार्यालय मै छुवाछुत ? यो गम्भीर विषय हो । यस सम्वन्धमा जिल्ला जनस्वास्थ्य प्रमुख उत्तम कोईराला र प्रमुख जिल्ला अधिकारी यदुनाथ पौड्यालको समेत ध्यानकृष्ट गराईको छ ।

कोईराला र पौड्याल दुवैले सरकारी कर्मचारी विचमै त्यस्तो छुवाछुद विभेदलाई गम्भीर रुपमा लिएर सम्वन्धित स्वास्थ्य चौकीसंग कुरा गर्ने प्रतिकृया दिए । प्रजिअ पौड्यालले त मुद्धा नै हालिदिने सम्मको चेतावानी दिएका छन् ।

यो पनि पढ्नुस्

गुल्मीका बिष्णु सहित तीन जना नक्सालको सन्तोषी माता मूर्तिमा जडित गरगहना चोरी गरेको आरोपमा पक्राउ

काठमाडौं, साउन ०२ । प्रहरीले काठमाडौंबाट मूर्तिमा जडित सुनचाँदीको गरगहना चोरी गरेको आरोपमा तीन जनालाई

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D