समाचार

कांग्रेसलाई भोट दिने भन्दै कुट्ने बिरुद्द बोटेगाउँका माझीहरुले दिए किटानी जाहेरी

चन्द्र भण्डारीद्वारा दोषीहरुलाई कारवाहीको माग

गुल्मी पौष ६ । गुल्मीको दरबार गाउँपालिका वलिथुममा बसोबास गर्ने माझीहरु न्याय खोज्दै सदरमुकाम तम्घासमा आएका छन् । उनिहरुले जिल्ला प्रशासन कार्यालय गुल्मीमा आइ निमित्त प्रमुख जिल्ला अधिकारी कोशलराज शर्मासँग न्यायका लागि अपिल गरेका थिए ।
bote gaun majhi
लोकबहादुर राकसकोटि र कमल थापा लगायतका व्यक्तिहरुले आफूमाथि कुटपिट गरेको भन्दै किटानी जाहेरीसमेत दिएका माझीहरु निमित्त प्रमुख जिल्ला अधिकारी समक्ष सुरक्षाको समेत माग गरेका छन् । चुनावको बेला कांग्रेसलाई भोट दिने तिमी हौ भन्दै मलाई कुटे मनिकला माझी रुदै भन्छिन् । बुढाबुढी पनि भनेनन् बच्चाबच्ची पनि भनेनन् हामी सबैलाई कुटे प्रेम बहादुर माझि भन्छन् । सहरी बिकास कार्यक्रम अन्तर्गत बन्न लागेका घरहरू इन्जिनियर सरले भनेअनुसार बनाएका छौं तर हामीलाई यो छड् भएन त्यो गारो भएन भन्दै दुःख दिइरहेका छन् ।

सरकारी योजनामा चन्द्र भण्डारीको पहलमा वन्न लागेको स्कूल समेत निर्माण गर्न अवरोध गरेको माझीहरु बताउँछन् । वलिथुमबाट आएका ४० जनाभन्दा बढी माझीहरूको कुरा सुनेपछि निमित्त प्रमुख जिल्ला अधिकारी कोशल राज शर्माले दोषीहरुलाई कारबाही गरिने र शान्ति सुरक्षाको प्रत्याभुति दिलाउने आश्वासन दिए पछि माझी हरु घर फर्किएका थिए । नेपाली कांग्रेस केन्द्रीय सदस्य चन्द्र भण्डारीले माझीगाउँमा भएको घटनाको छानबिन गरी दोषीहरुलाई कारवाही गर्नको लागि माग समेत गरेका छन् ।
chandra bhandari status

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D