कौरव खत्री
बागलुङ, १४ माघ । बागलुङ गलकोट नगरपालिका ७ मल्मकी मनकुमारी थापाको चौरासी पूजामा गरिएको तुलादानबाट सङ्कलित रकम विद्यालयलाई प्रदान गरिएको छ ।
साथै थापाका नाती युवा उद्यमी तथा सामाजिक संस्था घुम्टे युवा परिवार जापान शाखाका सहसचिव तुलविर थापाले उक्त रकम सोही स्थानमा रहेको प्रगति आधारभूत विद्यालयलाई रु. १ लाख ५ सय ५ रुपैया रकम शुक्रवार हस्तान्तरण गरेका हुन् ।
त्यस्तै सहयोग रकम विद्यालयमा सञ्चालित बाल विकास केन्द्रको अक्षयकोषमा राखिने प्रगति बालविकास केन्द्र मल्मका अध्यक्ष लोक बहादुर थापाले जानकारी दिए ।
अक्षयकोषबाट आउने ब्याज रकम बाल विकासमा खर्च गर्छौँ”, प्रगति आधारभुत विद्यालय व्यवस्थापन समितिका अध्यक्ष रामबहादुर थापाले बताए ।
उनले आर्थिक स्रोतको अभावमा बाल विकास केन्द्र सञ्चालनमा कठिनाइ आइपरेको उल्लेख गरे । बालबालिकाको शैक्षिक विकासमा सहयोग पुगोस् भन्ने उद्देश्यले सहयोग गरिएको थापाका नाति तुलवीरले बताए ।
साथै मनकुमारी थापाका नातीहरु वैदेशिक रोजगारीमा रहेका तुलवीर र उनका दाजु टेकबहादुरले यसअघि पनि सोही विद्यालयलाई रु २ लाख, ११ हजार, १सय,११ रुपैया सहयोग प्रदान गरेका थिए ।
अङ्ग्रेजी माध्यमबाट पढाइ हुने उक्त विद्यालयमा १सय,२३ जना र बाल विकास केन्द्रमा २३ बालबालिकाहरु अध्ययनरत छन् । थापाको गत माघ ८ गते चौरासी पूजा गरिएको थियो ।
