एजेन्सी, अक्टोबर २८ । फेसबुकले आफ्नी कम्पनीको नाम परिवर्तन गरेर नयाँ नाम “मेटा” राख्ने भएको छ ।
फेसबुकका सिईओ मार्क जुकरबर्गले बिहीवार लाइभ स्ट्रिम गरिएको भर्चुअल सम्मेलनमा बोल्दै मेटाभर्स निर्माणमा आफ्नो ध्यान केन्द्रित गरेको बताए । फेसबुक नाम कम्पनीले गर्ने गरेका सबै कामको प्रतिनिधित्व गरेन। कम्पनीको नाम एउटा प्रडक्टमा मात्र जोडियो । त्यही भएर फेसबुकले कम्पनीको नाम समेत यसैसित मिल्ने गरी मेटा राखेको छ।
फेसबुकको एपहरु र ब्रान्ड भने परिवर्तन नहुने बताईएको छ । फेसबुक कम्पनीको स्वामित्वमा रहेका फेसबुक, मेसेन्जर, ह्वाटसएप, इन्स्टाग्राम लगायतका लोकप्रिय सामाजिक सञ्जालहरुको नाम परिवर्तन नहुने तर कम्पनीको नामा मात्र फेसबुकबाट मेटा हुनेछ ।
