दिपेन्द्र खत्री,
जेष्ठ १८, अर्घाखाँची। अर्घाखाँचीमा बैशाख देखि नै परेको बर्षाको कारण जिल्लाको मालारानी गाउँपालीका भित्र रहेका बिभिन्न ठाउँका किसानहरुलाई यति बेला खेतबारीमा भ्याईनभ्याई भएको छ।
गत बर्षको तुलानामा जिल्लामा अत्यधिक बर्षा भएको र बर्षाका कारण खोलानालामा प्रसस्त पानि रहेकोले यस बर्ष धानको ब्याड राख्न,मकै रोप्न कुनै कठिनाइ नभएको मालारानी गाउँपालिका वडा नम्बर ( २ लछुमण पछाईले बताउनु भएको छ।
मालारानी गाउँपालीका को मुख्य बाली धान साथै मकै खेति रहेको छ ,मालारानीका किसानहरु प्रयाए दिन नै खेतमा वारीमा व्यस्त रहेको देख्न सकिन्छ।
यति बेलाको समयमा किसान ले धान रोपिने भएकोले मालारानी का कृषकहरु ब्याड राख्न भ्याइनभ्याई भएको बताउछन।
धानको ब्याड राखेको तीन हप्तामा धान रोप्नका लागि तयार हुन्छ । मौसम प्रतिकुल भए साउनको पहिलो सातासम्म सबै खेतमा धान रोपाइँ सकिने गर्दछ ।
मालारानी गाउँपालीका वडा नः २ निवासी कृषक देब राज खत्री ले भने, मनसुन समयमै सुरु भएको छ, अब त किसानलाई खाना खाने फुर्सद नै हुदैन । किसानहरु कुन जातको धान लगाउँदा उत्पादन बढ्छ भनेर परामर्श लिन कृषि ज्ञान केन्द्र पुग्ने गरेका छन् त कोही खेत खनजोतमा लागेका छन् भने कोही ब्याडका लागि मल जुटाउन व्यस्त रहेको बताउनु भएको छ।
