गुल्मीन्युज
गुल्मी, असार १ । गुल्मीको मुसिकोट नगरपालिका वार्ड नं. ६ उपल्लो भुवाचिदीमा ६ जनाकाे एउटा समूह मिलेर व्यावसायिक रूपमा सामुहिक कृषि गर्ने भएका छन् । उनिहरूले उपल्लो भुवाचिदी निवासी पुर्णलाल आचार्यकाे करिव ६ राेपनी जग्गा भाडामा लिएर ब्यवसायिक कृषि गर्ना लागेका हुन् ।
बार्षिक एक लाख रुपैँया बुझाउने गरि जग्गा भाडामा लिएए माछापालन, लाेकल कुखुरा, कालिज र बङ्गुर पालन गर्ने गरि आवश्यक माछापाेखरी र खाेरहरू लगायत स्टाेर रूम बनाउदै गरेकाे त्रिभुवन मा.वि.का प्रध्यानाध्यापक रामबहादुर थापाले बताउनुभयाे ।
कृषि फार्म सञ्चालन गर्नका लागि ६ जनाकाे समूह मिलेर बराबर लगानी गरेकाे र यसकाे अनुमानित खर्च करिव १ कराेड जति पुग्ने भुवाचिदी स्थित मेडिकल सञ्चालक चन्द्र श्रीस मगरले बताउनुभयाे ।
कृषि फार्म सञ्चालनका लागि लगानी गर्ने मध्येमा त्रिभुवन मावि का प्रध्यानाध्यापक रामबहादुर थापा, भुवाचिदी तल्लो बजारका सुनचाँदी व्यवसायी रामु सुनुवार, साेहि स्थानकै चन्द्र श्रीस मगर, मुनपा ४ वडागाउँ का रूद्रबहादुर केसी, सन्तबहादुर कार्की र उपल्लो भुवाचिदीका व्यापारी देबाकर घिमिरे रहेका छन् ।
