गुल्मी, बैशाख १९ । चन्द्रकोट गाँउपालीका गुल्मीमा पशु स्वास्थ्य शिविर सम्पन्न भएको छ । पशुमा देखिने बिभिन्न संक्रमण र रोग लाग्न नदिन पशु स्वास्थ्य शिबिर संचालन गरिएको गाउँपालिकाले जनाएको छ ।
शिविरबाट एक सय ८० जना कृषक लाभान्वित भएका छन् । बिहीवार सम्पन्न भएको १ दिने पशु स्वास्थ्य शिबिरमा १ सय ८० जना कृषकका ३ सय ३४ वटा भैँसी तथा पाडा, ४४ वटा गाइ, ५ सय २६ वटा बाख्रा, १ हजार ८ सय ३ वटा कुखुरा र ३९ वटा बगुंरलाई बिभिन्न प्रकारका खोप र औषधि दिइएको थियो ।
सोहि शिविरमा ५२ वटा कुकुर र २ वटा बिरालोलाई रेविज बिरुद्धको खोप लगाइएको छ ।
शिबिरको प्रमुख प्रशासकिय अधिकृत कृष्ण प्रसाद भण्डारीले सेवाग्राहीलाई पशुको औषधि प्रदान गरि उद्धघाटन गर्नुभएको पशु शाखाका प्रमुख बसन्त रावतले जानकारी दिनुभएको छ ।
चन्द्रकोट गाँउपालिकामा पछिल्लो समय व्यवसायिक पशुपालक कृषकको संङख्या बढ्दै गएको छ ।
