सन्जु काउछा
साउन १९ । गायक दिपक परियारले नयाँ तीज गीत बजारमा ल्याएका छन् । गायिका सोनाश्री परियारसँगको संयुक्त स्वरमा गायक परियारले नयाँ तीजगीत “हेर्छु मायालाई…..” बजारमा ल्याएका हुन् । गायक परियारलाई दुधे बालक छँदै छाडेकी आमासँग २४ वर्ष पछी भेट भएको खबर केही समय पहिले सामाजिक सन्जालमा भाईरल भएको थियो । आफ्नो गीत त्यही बिषयमा तयार भएको र सत्य घटनाले आम दर्शक श्रोताको मन छुनेमा आफु विश्वस्त रहेको गायक परियारले गुल्मीन्युज डट कमलाई बताए ।
दिपक परियार र सोनाश्री परियारको सो गीत दिपिका म्युजिकको युटुव च्यानलमार्फत गत हप्ता सार्वजनिक भएको हो । गीतमा शब्द र संगित गायक स्वयं परियारको छ भने संगित संयोजन सुदिप सागरको रहेको छ । राग रेकर्डस मार्फत रेकर्ड भएको गीतको मिक्सिङ एचबीएन किस्मतले गरेका छन् भन अडियो भिजुअल सगरमाथा फिल्म्स प्रा.ली.ले तयार पारेको छ ।
बुटवलको सडक छेउमा पुराना कपडा सिलाउदै २०७१ सालबाट सांगितिक यात्रामा लागेका दिपक परिवारले स्नातक सम्मको अध्ययन पुरा गरेका छन् । नेपाली लोक सांगितिक यात्रामा सफलताको खुड्किलो चढ्दै गरेका परियारको यस अघी रोईला गीत “गुल्मी” सार्वजनिक भएको थियो जुन गीतले उनलाई थप चिनाउन सफल भएको थियो ।
गायक परियार आफैले निर्देशन गरेको गीतको भिडियो पनि उत्कृष्ट बनेको छ जसमा आकृती, कृती, मन्जरी, सुमित, बेल बहादुर, रोश्नी र प्रितीले अभिनय गरेका छन् । त्यस्तै भिडियोको सम्पादन शोभाखर पन्तले गरेका छन् भने सिनेमाटोग्राफी पनी पन्तकै रहेको छ ।
हेरौँ भिडियो:
