अनिल खत्री
२ असार, गुल्मी । अहिले लोक दोहोरी क्षेत्रमा लोक तथा दोहोरी गायक रामचन्द्र चन्दको ख्याल ख्यालमै दिल चोरी भएको चर्चा संगीत बजार छ । गायक चन्दको दिल चोरी भएको खासमा वास्ताबिकता नभई हालै सार्बजनिक गरिएको गीतमा उल्लेख गरिएको हो ।
लोक तथा दोहोरी गाएक रामचन्द्र चन्दको ‘तिन फुर्के डोरी’ सार्बजनिक गरेका छन् । माया प्रेममा आधारित कथा बस्तुमा तयार पारिएको गीत यहिँ हप्ता सार्बजनिक गरेका हुन् ।
लोक दोहोरी क्षेत्रमा फरक–फरक खालका गीतहरु सार्बजनिक भइरहेका बेला गायक चन्दको पनि फरक खालको गीत सर्बजनिक गरेका हुन् । माया प्रेमको कथासँगै स्टेज कार्यक्रमहरुमा नाच्ने खालको गीत सर्बजनिक गरिएको गायक चन्दले बताए ।
गीतमा शिरमा सुहाउने तिनफुर्के डोरी ख्याल ख्यालमै दिल चोरी भएको कथा गीतमा पाउन सकिने गीतका गायक रामचन्द्र चन्दले बताए । माया प्रेममका रसिला शब्दभावले भरिएको गीत गीतकार हुम गैरेले लय शब्द गरेका हुन् ।
गीतमा गायक रामचन्द्र चन्द र समिक्षा बिसीको सुमधुर आवाज रहेको छ ।गीतलाई पछिल्लो पिडीका युवाहरुलाई केन्द्रित गरिएको छ । गीतको शब्द अनुसार भिडियो पनि तयार गरिएकाले धेरै दर्शक श्रोताले मनपराउने गायक चन्दले बताए ।
शैली क्रियशनले बजारमा ल्याएको गीतको भिडियोमा चर्चित मोडल शंकर बिसी र अनु शाहा को अभिनय रहेको छ । शंकर बिसीको नृत्य निर्देशन र राजेश घिमिरेले छायाँकंन गरेका हुन् ।
गीतको पुरा भिडियो :
