कमल पौडेल
बडिगाड बागलुङ, ०८ मंसिर। मध्यपहाडि लोकमार्ग अन्तर्गत बडिगाड गाउँपालिका वडा नं. २ को सक्नयार आकाशे पुल नजिकै ग १० प ८६४९ नं. को मोटरसाइकल दुर्घटना हुँदा दुई जना गम्भिर घाइते भएका छन्। सो दुर्घटनामा गुल्मी इस्मा गाउँपालिका वडा नं. ३ का अन्दाजी वर्ष ३५ का युवराज खड्का र रुकुम बरायाला ९ वर्ष २६ का नविन वुढाथोकी घाइते भएको प्रहरीले जनाएको छ।
सख्त घाइते दुवै जनालाई उद्धार गरि खर्वाङमा प्राथमिक उपचार पछि पाल्पा पठाइएको खर्वाङ प्रहरीले जनाएको छ। खड्काको टाउकोमा चोट लागेको र बुढाथोकीको खट्टा तथा हात दुवै भाँचिएको प्रहरीले जनाएको छ। बडिगाड महोत्सव हेरेर फर्किने क्रममा सडकवाट मोटरसाइकल २ सय मिटर तल बडिगाड खोलामा पुगेको र दुवै घाइतेलाई खोला किनारावाट निकालिएको प्रहरीले जनाएको छ। दुई हप्ता अगाडि पनि सोहि स्थानमा मोटरसाइकल खोलामा खस्दा एक जनाको ज्यान गएको थियो।
