विवश विष्ट
गुल्मी, जेठ ०८ । जिल्लाको मदाने गाउँपालिकामा पद तथा गोपनियताको शपथ ग्रहण गरिएको छ । नव निर्वाचित जनप्रतिनिधिहरुलाई मदाने गाउँपालिका नवनिर्वाचित अध्यक्ष महेन्द्र बहादुर कुँवरले शपथ प्रदान गरेका छन ।
शनिवार गाउँपालिकाको सभाहलमा एक कार्यक्रम गरि नवनिर्वाचित उपाध्यक्ष, वडा अध्यक्ष र सदस्यहरुले शपथ ग्रहण गरेका हुन । सभामा नवनिर्वाचित अध्यक्ष महेन्द्र कुँवरको अध्यक्षता तथा निवर्तमान अध्यक्ष दानबहादुर केसीको प्रमुख अातिथ्यमा भएको थियो ।
कार्यक्रममा नेका महाधिवेशन प्रतिनिधि काशिबहादुर बोहोरा, मदाने ५ का नवनिर्वाचित वडा अध्यक्ष हिमाल खड्का, मदाने ७ का नवनिर्वाचित सन्तोष केसी, उपाध्यक्ष सरिता खड्का, प्रदेश योजना आयोगका सदस्य दामोदर भुषाल, निवर्तमान अध्यक्ष दानबहादुर केसी लगायतले आफ्नो मन्तव्य राखेका थिए ।
