गुल्मी, फागुन १३ । सत्यावती गाउँपालिकाले चालू हालतको पुरानो एम्बुलेन्स थन्क्याएर नयाँ किन्ने तयारी गरेको खुलासा भएको छ ।
६ वर्षअघि गुल्मी जिल्ला समाज युकेले जोहाङ खैरेनी स्थित रेडक्रस शाखालाई हस्तान्तरण गरिएको एम्बुलेन्सलाई थन्काएर नयाँ एम्बुलेन्स किन्न लागेको खुलासा भएको हो ।
समाजले सहयोग स्वरुप हस्तान्तरण गरेको लु.१.च ३५७७ नम्बरको उक्त एम्बुलेन्स चार वर्षदेखि एउटा कुनामा थन्क्याएर राखिएको स्रोतले बतायो ।
एम्बुलेन्स पुरानो भएको र गुड्न नसक्ने भएका कारण मर्मत सम्भारमा खर्च गर्नुभन्दा नयाँ किन्नु उचित हुने भएकाले खरिद प्रक्रिया अगाडि बढाएको गाउँपालिकाका प्रमुख पारिश्वर ढकालले बताए ।
करिब आठ लाख ९२ हजार ८०० रुपैयाँमा नयाँ एम्बुलेन्स ल्याउन लागिएको गाउँपालिका बताएको छ । एम्बुलेन्स खरिदका विषयमा संघीय हेलो सरकारमा गुनासोसमेत दर्ता भएको छ ।
गुल्मी जिल्ला सत्यवती गा पा मा पहिलेको एम्बुलेन्स थन्क्यायेर नया बलीयो चाहियो भनेर नयाँ किनी दै छ अरे @Hello_Sarkar कतै दुरूपयोग वा कुनै अप्रिय चलखेल त होईन ध्यान पुगोस् @PradeepgyawaliK @_GokarnaBista @gulminews @harijuhang1 @anilkhatri34 pic.twitter.com/N6fq0FY8eY
— गुरु मुरारी 🙈🙉🙊 (@Naancurryhouse) February 20, 2019
प्राप्त गुनासोलाई दर्ता नम्बर 02-2019-UP5AXJ मार्फत जानकारी तथा कारवाहिको लागि संघिय मामिला तथा सामान्य प्रशासन मन्त्रालयमा पत्राचार गरिसकिएको हेल्लो सरकारको अधिकारिक ट्विटर अकाउण्टमार्फत जानकारी गराईएको छ । यस बिषयमा एम्बुलेन्स सहयोग दाता गुल्मी जिल्ला समाज युकेबाट भने कुनै प्रतिकृया आइसकेको छैन ।
दर्ता नम्बर : 02-2019-UP5AXJ , दर्ता मिति: 2019-02-20 मार्फत जानकारी तथा कारवाहीका लागि संघीय मामिला तथा सामान्य प्रशासन मन्त्रालयमा पत्राचार गरिएको छ । धन्यवान ।
— हेलो सरकार HelloSarkar (@Hello_Sarkar) February 20, 2019
