रमेश विश्कर्मा
गुल्मी, असार ५ । नेपाली नारिको महान पर्ब हरितालिका तीजलाई मध्यनजर गर्दै तीज बिशेष गीत बजार आउन थालइसकेका छन् । यस्तै क्रममा चर्चित गायिका देबी घर्ती र गायक अनि सर्जक महेन्द्र भण्डारीको नयाँ तीज कोसेलो “चरी बस्यो निगाली गाँजैमा…..” बोलको गीत बजारमा आएको छ ।
शिवदर्शन फिल्मस प्रालिले बजार ब्यबस्थापन गरेको गीतको शब्द गायत्री थापाको रहेको छ । लय सङ्कलन गायक स्वयं महेन्द्र भण्डारीको रहेको यो गीतमा नाच तथा अभिनय कलाकार खगेन्द्र बिष्ट र कलाकार जुना सुन्दासको रहेको छ ।
गीतले माया पिरतिको कथा बस्तुलाई समाबेश गरेको पाईन्छ आफ्नो मान्छेको माया कती हुन्छ भन्ने कुरालाई गीतले बोलेको छ ।
गत बर्ष पनि देबी घर्ति र खुमन अधिकारीले गाएको गीत जरुरी कुरा छ पनि अत्याधिक रुचाइएको गीत हो । यो गीत चरी बस्योलाई निर्देशक मदन खड्काले निर्देशन गरेका छन् भने छायाङ्कन करण चैसिरको रहेको छ । वर्तमान समयका जल्दाबल्दा बिषयलाई समेटेर गीत बनाएको महेन्द्र भण्डारीको भनाई छ । गायक भण्डारीले यसपाली आफ्न ४ वटा तीज गीत बजारमा आउने गुल्मीन्युज डट कमलाई बताएका छन् । अहिले सम्म महेन्द्र भण्डारीका १५० गीत तथा सिर्जनाहरु बजारमा आईसकेका छन् ।
हेरौँ नयाँ तीज गीत:
