अनिल खत्री
१ बैशाख, गुल्मी । कृषि पर्यटन र उद्योगको व्यापार प्रर्वद्धन गर्न भन्दै गुल्मीमा चलेको गुल्मी सांस्कृतिक तथा पर्यटन महोत्सब एबम ब्यापार मेला सम्पन्न भएको छ । मेलामा १० करोड बढिको कारोबार भएको मेल मुल आयोजक सह–संयोजक नवराज भुसालले बताए ।
सदरमुकाम तम्घासमा ११ दिन सम्म चलेको महोत्सवमा १० करोड बढिको कारोबार भएको भुसालले बताए । मेलामा झण्डै १ लाख दर्शकले मेला अबलोकन गरेको आयोजकले जनाएको छ । महोत्सवमा गुल्मी जिल्लामा उत्पादन भएका बिभिन्न बस्तुहरुसँगै बिभिन्न औधोगिक क्षेत्रबाट उत्पादिन बस्तुहरु पनि प्रर्दशन तथा बिक्रीमा राखिएको थियो ।
जिल्लामा रहेको गुल्मी चेम्बर अफ कमर्शले चैत २० गते देखी ३० गते सम्म महोत्सव आयोजना गरेको थियो । महोत्सवको ‘गुल्मीको संमृद्धिका मुख्य आधार, संस्कृति, संरक्षण एवं पर्यटन विकासमा पुर्वाधार’ भन्ने नारा तय गरिएको थियो । मेलाको प्रदेश नम्बर ५ का बिशेष अधिकार समिति सभापति कमलराज श्रेष्ठले समापन गरेका हुन् ।
समापन कार्यक्रममा बोल्दै सभापति श्रेष्ठले मेला महोत्वले सबै क्षेत्रलाई फाइदा मिल्ने बताए । जिल्लामा सञ्चालन हुने मेला महोत्सवमा जिल्ला भित्रका व्यवसायीहरुको सहभागिता कम रहने गरेकोले आउदा दिनहरुमा उल्लेख्य सहभागित हुनुपर्ने जोड दिए । उनले जिल्ला भित्र लुकेर रहेका बिभिन्न प्रतिभाहरु, कृषि र जिल्ला भित्र उत्पादन भएका बस्तुहरुले बजारीकरणमा टेवा पुराउने बताए । उनले अबको १० वर्षमा कोहिपनि युवा रहरले हुनुसक्छ बाध्यताले बिदेशीनु नपर्ने बताए ।
कृषिमा आधुनिकरण गरेर ऋण चाहिनेलाई ऋण, जग्गा चाहिनेहरुका लागि जग्गा उपलब्ध गराएर स्वदेशमै रोजगारिका अबसर दिनको लागि सरकारले योजना बनाइएको बताए । महोत्सवबाट बचत भएको रकम मध्ये ४० प्रतिशत सामाजिक कार्यमा र अरु ६० प्रतिशत संस्थागत बिकासमा खर्चिने महोत्सव मुल आयोजक समिातिका संयोजक युवराज न्यौपानेले बताए ।
महोत्सव सम्पन्न बिभिन्न गठित १९ वटा उपसमितिहरु गठन गरिएको थियो । महोत्सवलाई प्रभावकारी फरक बनाउनको निम्ति ७० वर्ष भन्दा माथिका बृद्धहरुलाई महोत्सव स्थल भित्र निशुल्क प्रबेशमा दिइएको थियो । बिद्यार्थी, अपाङ्ग र एकल महिलाहरुलाई पनि प्रबेश टिकटमा ४० प्रतिशत छुट दिइने व्यवस्था मिलाइएको थियो । मेलामा २ सय ३० वटा स्टल रहेका थिए । स्टलहरु मध्ये जिल्ला भित्र रहेका १२ वटा स्थाििनयत तहबाटै बिभिन्न उत्पादनहरु प्रर्दशन गरिएको थियो । स्टलहरु मध्ये कृषिलाई उच्च प्रथामिकता दिएर महोत्वमा ल्याइएको स्टल संयोजक प्रकाश बुढाथोकीले बताए ।
यसपटकको महोत्सवमा राखिएका स्टलहरुमा स्थानिय तम्घासका व्यवसायीको उत्साहपूर्ण सहभागिता रहेको थियो । स्थानिय व्यापारिलाई बिशेष छुटका कारण धेरैले सहभागिता जनाएको थिए । महोत्सवमा जिल्लामा उत्पादन हुने कफी, सुन्तला, तरकारी, माहुरी, च्याउ लगायतका अरू कृषिजन्य सामग्री तथा सेरामीक्स, बाँस तथा निगालोबाट बन्ने सामग्रीहरू महोत्वमा स्थलमा प्रर्दशनमा राखिएको बुढाथोकीले बताए ।
बिभिन्न औधोगिक क्षेत्रबाट उत्पादित सामाग्रीहरुसँगै गुल्मी जिल्लामा बिभिन्न जाती बिशेष रहेका खाना परिकारहरु,बिभिन्न सँस्कृति झल्कीने झाँकीहरु पनि महोत्सव अबधी भर प्रर्दशन गरिएको थियो । मेलालाई थप आर्कषक र स्थानिय कलालाई उजागर गर्ने उदेश्यले विद्यालयस्तरिय खुल्ला समुहगत नृत्य प्रतियोगिता राखिएको थियो । महोत्सवमा कृतिम माला, खादा र अतिथिलाई प्रयोग गरिने ब्याच निषेध गरिएको थियो ।
जिल्लामा उत्पादन भएका फूलका मालाहरुलाई मात्रै प्रयोग ल्याएर आयोजकले खर्चलाई पनि मितव्यायीता जनाउदौ यस्तो कार्यको थालनी गरेको महोत्सव मुल आयोजक समितिका सह–संयोजक नवराज भुसालले बताए । महोत्सवमा अतिथिलाई प्रयोग गरिने ब्याच को सट्टामा पिपलको पात र मायाको चिनोमा गुल्मीकै कफि र गुडलाई प्रयोजमा ल्याइएको थियो ।
महोत्सव सम्पन्न गर्न १२ वटा संस्था मिलेर सम्पन्न गरेका छन् । मुल आयोजक गुल्मी चेम्बर अफ कर्मश भएपनि सह–आयोजकमा होटल व्यवसायी मञ्च, लोक तथा दोहोरी गीत प्रतिष्ठान गुल्मी, गुल्मी रेसुङ्गा म्युजिक प्रलि रहेका छन् ।
सहयोगी संस्थाहरुमा रेसुङ्गा युवा क्लव, फोटिन स्टार युवा क्लव, रुरु फ्रेण्ड क्लव, अनटेस्ट युवा क्वल, गुल्मी यूनाइटेड युवा क्लव, पुल्चोक स्र्पोट क्लव, अर्जुन युवा क्लव, महेन्द्र माबि पूर्व बिद्यार्थी मञ्च गरि जिल्लाका १ दर्जनसहयोगी संस्थाहरु रहेका थिए । यस महोत्सवबाट जिल्लामा रहेका धार्मिक एबम पर्यटकीय स्थलहरुको अबलोकन, गुल्मी जिल्लामा उत्पादित कृषि, पशुपालनहरुको प्रर्दशन बजारीकरण र सांस्कृतिक धरोहरुको प्रवद्धनमा टेवा पुर्याउने उधेश्यले महोत्सव आयोजना गरिएको गुल्मी चेम्बर अफ कर्मशका अध्यक्ष युवराज न्यौपाने बताए ।
जिल्लाको सदरमुकाम तम्घासमा चल्ने महोत्सवबाट गुल्मी जिल्लाको कृषि,घरेलु औधोगिक प्रर्बद्धन सगै रेसुंगा, रुरु,अर्जुन,बिचित्र गुफा, कंकेदेउराली, मालिका र कुर्घाको स्वा“रा, शान्तिपुरको टिमुरे ताल सहितका पर्यटकीय क्षेत्रहरुको प्रर्बद्धन र प्रचार प्रसार महत्वपुर्ण उदेश्य रहेको महासचिव कृष्ण भण्डारीले बताए । मेलामा पत्येक दिनको साँस्कृतिक कार्यक्रममा झण्डै ६ दर्जन वढि नेपालका ख्याति प्राप्त हास्यव्यग्य सहित बिभिन्न बिधाका कलाकारहरुको प्रस्तुति राखेका थिए । महोत्सवबाट बाह्रामा गएको हावा हुरी पिडितलाई १ लाख सहयोग दिने घोषण समेत गरेका छन् ।
