अनिल खत्री
२५ जेठ, गुल्मी । गुल्मीमा ट्याक्टर दुर्घटना हुँदा एक जनाको मृत्यु भएको छ ।
शनिवार बिहान रेसुङ्गा नगरपालिका वडा नम्बर १३ भगाँरी घुम्टीमा ट्याक्टर दुर्घटना भएको हो । दुर्घटनामा चालक नवलपरासी सुनवल घर भएका २१ वर्षिय अम्मरबहादुर कुमालको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी निरिक्षक रबिन्द्र खड्काले बताए ।
रिडीबाट बालुवा लिएर तम्घास तर्फ आउँदै गरेको लु ४ त २८४६ नम्बरको ट्याक्टर दुर्घटना भएको हो । दुर्घटनामा परेको ट्याक्टर सडकबाट करिव २ सय मिटर तल खसेको प्रहरीले जनाएको छ ।
रातिको समयमा दुर्घटना भएपनि नजिकै बस्ती नभएकाले बिहान उज्यालो भएपछि मात्रै थाहा भएको वडानम्बर १३ का वडा अध्यक्ष खुमबहादुर खत्रीले बताए । दुर्घटनाको कारण भने खुलेको छैन् ।
