ईन्द्र थापा मगर
असार १८ । अबिरल बर्षाका कारण अवरुद्ध मालढुंगा९म्याग्दी जिल्लाको बेनी मुस्ताङ जोर्ने सडक सुचारु भएको छ ।
म्याग्दी र मुस्ताङ लाई राजमार्ग संग जोड्ने एकमात्रै सडक सोमबार दिउँसो पर्वतको जलजला गाउँपालिका ८ ज्यामिरेमा अवरुद्ध भएको थियो । सडक माथिबाट खसेको पहिरोले अवरुद्ध भएको सडक साँझ खुलेको छ ।
सडक अवरुद्ध हुँदा हिमालपारीको जिल्ला मुस्ताङ र म्याग्दीबाट छुटेका लामो तथा छोटो दुरीका सवारी साधान र अन्य क्षेत्रबाट ति जिल्लामा भित्रिने सवारी साधान अलपत्र परेको म्याग्दीका गोविन्द रोकाले जानकारी दिए ।
अत्याधिक ठूलो वर्षा परेकाले तत्काल सडक खुलाउन समस्या परेको थियो । भारी बर्षातका कारण यात्रुहरु समेत अलपत्र परेका थिए । सडक अवरुद्ध भए पनि गाउँपालिकाले समयमै डोजर न पठाउँदा यात्रु अलपत्र परेका थिए । यसै बीच म्याग्दीको ग्रामिण क्षेत्रका सडक समेत बर्षातले जोखिम बनेका छन ।
