कृषी

पाँच वटा वडामा फैलियो खोरेत, एक दर्जन पशुको मृत्यु

गुल्मी । सदरमुकाम तम्घासको रेसुंगा नगरपालिकाका विभिन्न वडाहरुमा पशुमा खोरेत रोग फैलिएको छ। वडा नम्बर सीमिचौर १० बाट फैलिएको खोरेत क्रमशः वडा नम्बर ११ , १३ , ३ र १४ का करिब ४०० पशुमा फैलिएको छ ।

नगरपालिकाका पशु विकास शाखाका निमित्त प्रमुख भोजेन्द्रप्रसाद भण्डारीका अनुसार खोरेत रोग नियन्त्रका लागि टेस्ट्रासाइक्लिन मोलफेन, हेमेक्स मलम, चारमेल, फिटकिरी लगायतका औषधिहरु खुवाइएको र नियन्त्रण लिने प्रयास भइरहेको बताए। एक महिनाअघि फैलिएको खारेत रोगले करिब एक दर्जन चौपायको मृत्यु भएको, एक दर्जन जति पशुको गर्भ तुहेको भण्डारीले बताए ।

खोरेत रोग लागेका पशुचौपायमा ज्वरो आउने, मुखमा र्‍याल आउनेलगायत लक्षण देखा पर्ने चिकित्सकले बताइएको छ। यस्ता समस्या देखा परे नगरपालिकाको पशु विकास शाखामा सम्पर्क गर्न नगरपालिकाले आग्रह गरेको छ।

शाखाका अनुसार खोरेत रोग लागेका चौपायलाई भन्दा पनि अन्यलाई सर्न नदिने गरी लागि प्रयास जारी रहेको नगरपालिकाले जनाएको छ। -थाह खबरबाट

थप देखाउनुहोस्
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D
Close

Adblock Detected

Please consider supporting us by disabling your ad blocker