छिमेकका समाचार

तमानका पहिरोमा ज्यान गुमाएका परिवारलाई १-१ लाख रुपैँया, ५ घर गाउँपालिकाले बनाइदिने

कौरव खत्री
बाग्लुङ, २३ साउन । बागलुङको तमानखोला गाउँपालिकाले आफनो गाउँपालिकामा गत साउन १९ गतेको पहिरोका कारण ज्यान गुमाएका घाइते भएका र घरमा क्षती भएका परिवारलाई राहत उपलब्ध गराउने निर्णय गरेको छ ।

गाउँकार्यपालिकामा बुधवार बसेको बैठकले पहिरोमा पुरिएर ज्यान गुमाएका ३ जनाको घरपरिवारलाई प्रति मृतक १ लाख रुपैयाँका दरले राहत उपलब्ध गराउने र गम्भीर घाईते पोखरामा उपचार गराइ राखेका ३ जनालाई प्रति व्यक्ति रु ५० हजार र सामान्य घाईते भएका ४ जनालाई प्रति व्यक्ति २०÷२० हजार रुपैयाँका दरले राहत उपलब्ध गराउने निर्णय भएको गाउँपालिका अध्यक्ष जोकलाल बुढाले बताए ।

साथै सोहि बैठकको निर्णय अनुसार ५ घर पुर्ण रुपमा पहिरोले क्षति पु¥याएका कारण गाउँपालिकाले चाँडै घर निर्माण गरिदिने अन्य ३ घर आँशिक क्षति भएका कारण दुई घरलाई प्रति परिवार १०÷१० हजार र १ घरका लागि ५ हजार रुपैयाँका दरले तत्काल राहत रकम उपलब्ध गराउने निर्णय भएको अध्यक्ष बुढाले बताए ।

त्यसैगरी गाउँपालिकाका सम्पुर्ण जनप्रतिनिधीले पाउने सेवा सुविधा वापत एक महिनाको पचास प्रतिशत रकम र कर्मचारीको तर्फबाट एक महिनाको पाँच दिन बराबरको तलब समेत पिडित परिवारलाई उपलब्ध गराउने निर्णय भएको छ ।

गत साउन १९ गते गएको पहिरोका कारण तमान गाउँमा अझै ७ घर पहिरोको जोखिममा रहेको पाइएको छ । पिडित परिवारलाई थप सहयोग पु¥याउन तमानक्षेत्रका युवाहरुले बुर्तिबाङ काठमान्डौ लगाएतका क्षेत्रमा आर्थिक सहयोग अभियान सुचारु गरेका छन् । गाउँपालिकाले घर भत्किएका तथा घाइतेलाई खाद्यान्न तथा बासको व्यवस्थापनमा सहयोग गरेको हो । ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D