gulminews logo
शुक्रबार, २०७९ जेष्ठ ६

ठेकी कुँदेर महिनाकै एक लाख सम्म कमाई, एउटै ठेकी २० हजार रुपैँया सम्ममा बिक्छ

Share on facebook
Share on twitter
Share on whatsapp
Share on email

सज्जन ढकाल
गुल्मी, असौज २७ । पछिल्लो समयमा नेपालमा परापूर्व कालदेखि गर्दै आएका पेसाहरु कतिपय लोपोन्मुख भएका छन् । कतिपय लोप भइसकेका छन् । नयाँ पुस्ता कमाउनका लागि खाडी तथा युरोपका कयौँ देशमा भासिएका छन् ।

तर, बाग्लुङ्ग नगरपालिका वडा नम्बर १२ बलेवा चिप्लेटीका ६० वर्षीय प्रेम चुँदारा हसिलो मुहारमा काठका ठेकी कुँदिरहेका भेटिन्छन् । चुँदारा दुध, दही, मही, गोरस राख्ने काठका ठेकी कुँद्नमै आनन्द लिइरहेका छन् ।

स्थानीय गाउँघर तथा बजारमा काठका ठेकीको माग उच्च रहेको छ । व्यवसाय गर्ने मानिसहरु धेरै नभएकाले उनले यसै व्यवसाय गरेर मासिक एक लाख रुपैयाँसम्म कमाउन सफल भएका छन ।

आफ्नै घर बलेवामा फ्याक्ट्री सन्चालन गरी चार जनालाई रोजगार पनि उपलब्ध गराएका छन् । केही समय पहिले नेपाली बजारमा स्टिल र प्लास्टिकले अधिपत्य जमाउँदा व्यवसायमा केही सङ्कट आएको र सन्चालन गर्न हम्मेहम्मे परेका बेला उनी खाडी मुलुक पनि गएका थिए ।

तर, खाडी मुलुक साउदी अरबमा सोचे जस्तो आम्दानी नभएपछि उनी स्वदेश फर्किए । आफ्नो पुरानो पेसालाई फेरि निरन्तरता दिए । अहिले उनी स्वदेशमै मनग्य आम्दानी गर्न सफल भएका छन् ।

दुध, दही, मही, गोरस प्लास्टिक र स्टिलका भाँडामा राख्दा नमिठो हुने हुँदा काठको ठेकीको माग गाउँघरदेखि बजारसम्म उच्च रहेको छ । अहिले आफूलाई माग पूरा गर्न हम्मेहम्मे पर्ने गरेको उनले बताए ।

पछिल्लो समयमा व्यवसायबाट राम्रो आम्दानी हुँदै गएपछी उनले बाग्लुङ्ग र पोखरामा दुईवटा पक्की घर बनाउन पनि सफल भएका छन् । आफू पन्ध्र वर्षको हुँदादेखि व्यवसाय सुरु गरेका उनले बलेवा चिप्लेटीमा आफूले देखदेख्दै युवाहरु पलायन भएको बताए ।

विशेष गरी ठेकी दार र गुराँसको राम्रो हुने गर्दछ । ठैकीका लागि उपयुक्त काठ सबै स्थानमा उपलब्ध नहुने हुँदा विभिन्न स्थानमा जानुपर्ने उनले बताए । धेरै ठाउँमा हिड्नु पर्ने भएकाले नयाँ पुस्ता व्यवसायतर्फ आकर्षित नभएको उनको अनुभव छ ।

आफूले कुँदेका ठेकी मेला महोत्सवको समयमा बाग्लुङ्ग, पोखरा, कुस्मालगायत अन्य स्थानमा लगेर बेच्ने गरेको र मापन क्षमताअनुसार ठेकीको मूल्य फरक फरक हुने पनि उनले बताए । उनले बनाएका ठेकीको मूल्य प्रतिगोटा ८ सयदेखि २० हजारसम्म पर्ने गर्दछ ।

पछिल्लो समयमा नेपालमा ठेकी बनाउने पेसा लोपोन्मुख भएको र राज्य तथा स्थानीय सरकारले संरक्षण गर्न चासो नदेखाएको उनले गुनासो समेत गरे । आफ्नो शेखपछि व्यवसाय आफ्नो गाउँमा यो कला लोप हुने देखिएकाले उनले नेपाल सरकार तथा स्थानीय निकायबाट नयाँ पुस्तालाई सीप सिकाउन आग्रह समेत गरे ।

यो पनि पढ्नुस्

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D