प्रवास

गुल्मीका २० बर्षिय युवाको युकेमा मृत्यु

२६ जुलाई । युकेमा गुल्मीका एक युवाको मृत्यु भएको छ । गुल्मी जिल्ला चन्द्रकोट गाउँपालिक वार्ड नं ८ साविकको तुरांग मजुवा स्थायी घर भएका २० बर्षिय राजिब अर्यालको मृत्‍यु भएको हो ।

हाल लन्डनको चार्लटनमा बस्दै आएका लक्ष्मी नारायण (नानु) अर्यालका छोरा राजिवको गत २९ असारका दिन होस्टलमै सुतेको अवस्थामा मृत्यु भएको हो ।

लामो समय देखी लण्डनमा बस्दै आएका अर्यालको मृत्‍युको कारण भने नखुलेको पारिवारिक स्रोतले बतायो ।

गुल्मी जिल्ला समाज युकेका अध्यक्ष राम गलामीले अर्यालको मृत्युले सबैलाई स्तब्ध बनाएको भन्दै दुःख व्यक्त गर्दै श्रदान्जली अर्पण गरेका छन् ।

मृतकका बुबा लक्ष्मी नारायण गुल्मी जिल्ला समाज युकेका आजीवन सदस्य समेत हुन् ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D