प्रवास

ओमानका नेपाली महिलाले चितवनका सुकुम्बासीलाई नयाँ घर बनाईदिने

जयराम ज्ञवाली
अाेमान, भाद्र २७ । नयाँ घर बनाईदिने अभियानमा नेपाली महिला समूह ओमानले सहकार्य गर्दै बाढीबाट प्रभावित भएकाे चितवन क्षेत्रका सुकुम्बासी परिवारलाई पुनर्स्थापनाको लागि गायक मिलन लामाले थालनी गरेको अभियान अन्तर्गत एक घर बनाईदिने भएको छ ।

गायक मिलन लामाको सामाजिक अभियान लाई मन पराई नेपाली महिला समूह ओमानले एउटा घर बनाईदिने निर्णय गरेको थियो । समुहले गत २०१७ अगस्ट २५ मा बाढी पीडित परिवारको लागि राहत स्वरूप राजधानी मस्कटमा तिज विशेष सांस्कृतिक कार्यक्रम पनि आयोजना गरेको थियो । समुह भित्र छलफल गरि मिलन लामाको अभियानमा सहयोग गर्नको लागि सहमति भएको ले तीज कार्यक्रम बाट संकलन भएको रकम अनि पहिले समुहको कोषमा जम्मा भएको रकम पीडित परिवारको एउटा घर बनाउनको लागि पठाईएको संस्थाकि अध्यक्ष उमा उमा ढुंगाना ले बताइन् ।

समुहकी अध्यक्ष ढुंगाना काे अनुसार उक्त घर निमार्णको लागि ओमानी रियाल १२०० अर्थात तीन लाख सत्र हजार छ सय अठासी नेपाली रुपैयाँ गत शनिबार सेन्चुरी रेमिट मार्फत नेपाल पठाईसकिएको छ । सामाजिक कार्य गर्न अघि सरेका मिलनको यो अभियान लाई अाेमान मा बस्ने नेपाली महिलाहरुले मन पराई सक्दो सहयोग गरेका छन् । मिलनले निर्माण गर्ने लक्ष्य राखेका ६ वटा घर मध्ये २ वटा घरको निर्माण कार्य सम्पन्न भैसकेकाेे छ भने अन्य निमार्णधिन अवस्थामा रहेको जानकारी गराइएको छ ।

Show More

Adblock Detected

कृपया हजुरको ब्राउजरमा बिज्ञापन रोक्ने एप्लिकेशन डिसेबल गरेर हाम्रा समाचारहरु हेर्न सक्नुहुनेछ ।