प्रेम सुनार
बुटवल, मंसिर २२ । १३ दिन अघि घरबाट बेपत्ता भएकी गुल्मीको पुर्तिघाट स्थित जिवन उद्धार माध्यामिक विद्यालयकी विद्याथी १७ बर्षिया मेनुका श्रेष्ठ कालिगण्डकी नदीको मिर्मि ड्याममा मृत फेला परेकी छन ।
पर्वतको बिहादी गाउँपालिका वडा नम्वर ३ रानीपानीकी श्रेष्ठ मंसिर ९ गते देखि घरबाट बेपत्ता भएकी थिईन । श्रेष्ठको मिर्मि ड्याममा सडेगलेको अवस्थामा शव फेला परेको सो वडाका वडाध्यक्ष रणबहादुर ओलीले जानकारी दिए ।
मिर्मिमा होटल व्यवसाय गर्दै आएका रतन कुँवरले शुक्रवार उनको शव देखे पछि प्रंहरीलाई खवर गरेका थिए । पारिवारिक श्रोतका अनुसार त्यस दिन बेपत्ता हुनु अघि श्रेष्ठले बाबुसंग केहि रकम मागेकी थिईन ।
बाबुले पैसा नदिए पछि उनी रिसले चुर हुँदै घरबाट हिँडेकी थिईन । त्यसैको झोकमा कालिगण्डकी नदीमा हामफालेको हुन सक्ने अनुमान स्थानियले गरेका छन । उनि त्यस विद्यालयको कक्षा ११ की विद्यार्थी थिईन ।
