प्रेम सुनार
गुल्मी, बैशाख १२ । छिमेकी जिल्ला बाग्लुङ्गको बडीगाड गाउपालिका ६ भिङखाल बजार नजिकै धाईरीघाटमा ट्याक्सी दुर्घटना भएको छ ।
बुर्तिवाङबाट ग्वालिचौर तर्फ आईरहेको ध १ ज ८०२ नं को ट्याक्सी मध्यपहाडी लोकमार्गको धाईरीघाट देखी २० मिटर तल खेतमा खसेर दुर्घटना हुँदा तीन युवती र चालक सहित ४ जान घाईते भएका छन् ।
ग्वालिचौर स्थित भानु माबि परीक्षा केन्द्रमा कक्षा १२ को परीक्षा दिन आईरहेका तीन परीक्षार्थी र चालक सहित चार जना घाईतेलाई खार स्थित स्वास्थ्य केन्द्रमा एम्बुलेन्सबाट लगिएको छ ।
घाईते हुनेहरुमा चालक ढोरपाटन नगरपालिका ७ का यम कुमार अदै, परीक्षार्थी ढोनपा ४ की वर्ष १८ की मनिषा पाली, ढोनपा १ की वर्ष १९ की सीता जीसी र ऐ की सुनिता थापा रहेका छन् ।
घाईतेहरुको खारबजार स्थित बडीगाड हस्पिटल प्रा लि मा उपचार हुँदै गरेको इलाका प्रहरी कार्यलय भिमगिठेका प्रमुख भोज बहादुर बानियाँले जानकारी दिए ।
