कपिलवस्तु, असौज ८ । कपिलवस्तुमा बाढीले जीप बगाउँदा एक जनाको मृत्यु भएको छ ।
वाणगङ्गा नगरपालिकाको कोइली खोलामा बुधवार आएको बाढीले नेपाल विद्युत् प्राधिकरणको जीप बगाउँदा गुल्मी रेसुङ्गा– ९ उपल्लो तम्घासका सवारी चालक ३५ वर्षीय माधव पाण्डेको निधन भएको हो ।
वाणगङ्गा– ९ भलवाडमा विद्युत् मर्मत गरेर फर्किने क्रममा बा १ च १०८९ नम्बरको जीपलाई बुधबार बाढीले बगाएको प्रहरीले जनाएको छ । नेविप्रा जितपुर फ्युज सेवाका प्रमुख कृष्ण पौडेल र नाम नखुलेका एक जना बेपत्ता भएका छन् ।
जीपमा नेविप्राका चार कर्मचारी र सर्वसाधारण दुई जना सवार थिए ।
