काठमाडौं, जेठ १६ । नेपालमा आज शुक्रबार एक्दै दिन १७० जना कोरोना संक्रमित थपिएका छन्।
स्वास्थ्य मन्त्रालयका प्रवक्ता डा. विकास देवकोटाका अनुसार शुक्रबार १७० जना संक्रमित थपिएका हुन् । उनका अनुसार २८ झापा, सप्तरी ४, बारा ४,पर्सा ५, सर्लाही १, म्याग्दी १, बाँके १०, कपिलवस्तु ६, कपिलवस्तु ८४, रौतहट ५६, सर्लाही ४, कपिलवस्तु १६, दाङ २ कपिलवस्तु ९ का रहेका छन्।
योसँगै नेपालमा एक हजार २ सय १२ कोरोना संक्रमित छन्। प्रवक्ता डा. देवकोटाका अनुसार बुधवार राति अर्घाखाँचीका ३५ वर्षीय पुरुषको मृत्यु भएको हो। मृतक हालै भारतबाट नेपाल प्रवेश गरेको मन्त्रालयले जनाएको हो। डा. देवकोटाका अनुसार अहिलेसम्म निको हुनेको सङ्ख्या २०६ छ।
मन्त्रालयको तथ्याङ्कअनुसार अहिले देशभरि ९९,३३६ व्यक्ति क्वारन्टीन र १,००० जना आइसोलेशन अर्थात् चिकित्सकीय निगरानीमा अलग्गै छन्।
