चन्द्रकान्त खनाल
रुपन्देही ।वुटवल देखी वेलहिया सम्म ६ लेनको सडक विस्तारको काम अघि बढेको छ।वुटवलको चाराहदेखी वेलहियासम्मको सडक बिस्तार कार्य भइरहेको छ भने वुटवलमा समेत काम अघि बढेको छ।
वुटवलको मूख्य सडक चार लेनको रहेकोमा अब चौराहाबाट चिडियाखोलासम्मको सडक छ लेनको हुनेछ। यो क्षेत्रमा पर्ने घरटहरा हटाउन व्यापारिक मार्ग आयोजनाले आग्रह गरेको छ।आयोजनाले विस्तार गर्न लागेको यो सडक क्षेत्रमा पर्ने घर टहरा हटाउन गरेको आग्रहलार्इ स्थानीयले अटेर गर्दै आएका छन्।आयोजनाले भदौं ५ गतेसम्म समय दिएको छ।
आयोजनाका इन्जिनियर लीलावहादुर भण्डारीका अनुसार यस क्षेत्रमा ३ सय ११ वटा त्यस्ता घर टहरा छन् ।तोकिएको समयमा नहटाएर घरटहरा भत्काइने उनले बताए। सडकको केन्द्रदेखि २५ मिटर दायाँ तथा २५ मिटर बायाँ भित्र पर्ने घर टहरा कम्पाउण्डलगायतका स्थायी, अस्थायी संरचना हटाउन अनुरोध गरिएको आयोजनाले जनाएको छ ।
आयोजनाले २०३४ साल असार २० भन्दा अगाडी निर्माण भएका घर रहेमा घरधनीहरुलाई सप्रमाण आवश्यक कागजातहरु संलग्न राखी आयोजनामा निवेदन दिन पनि आग्रह गरेको छ । बुटवलमा करिव साढे तीन किलोमिटर सडकलाई ६ लेन बनाउन लागिएको छ ।४७ करोड लागतमा बुटवलको मूख्य सडकलाई ६ लेनको बनार्इँदैछ ।
