सुपादेउराली (अर्घाखाँची), असार १९ । कृष्णनगरबाट सन्धिखर्क आउँदै गरेको जीप सुपादेउरालीमा दुर्घटना भएको छ । दुर्घट्नामा ३ जनाको घटनास्थलमै मृत्यु भएको छ ।
कपिलवस्तु जिल्लाको कृष्णनगरबाट सन्धिखर्क आउदै गरेको लु १ ज १३२९ नम्बरको जीप दुर्घटना भएको हो ।
दुर्घटनामा परि ५ जना गम्भिर घाईते भएको र ४ जना सामान्य घाईते रहेका छन् । घाईते सबैको ठाडा प्राथमिकता स्वास्थ्य केन्द्रमा उपचार भईरहेको छ । गम्भीर घाईते घाईतेहरुलाई थप उपचारका लागि बुटवल लगिएकाे छ । मृत्यु हुनेको पहिचान हुन सकेको छैन ।
सुपादेउरालीको मन्दिर र खाँचीखोला पुलको बिचमा जिप पल्टिएर खोलामा पुगेको छ । सड्कबाट ५०० मिटर तल खसेकाे ईलाका प्रहरी कार्यालय ठाडाले जानकारी दिएकाे छ ।
जिप कृष्णनगर यातायातको जीप एक्कासी ब्याक भएको र पल्टिएर खोलामा पुगेको प्रत्यक्षदर्शीले बताए।
यसअघि गत २०७६ जेष्ठ ८ गते मंगलवार सुपा देउरालीमा दर्शन गरेर फर्कँदै गरेको बस शितगंगा नगरपालिका–२, भुवनपाटा (सुपा खाेला पुलमा) मा दुर्घट्ना हुँदा २५ जना घाइते भएका थिए । -अर्घाखाँची डट कमको सहयोगमा
