विवश विष्ट
मदाने, २२ चैत । गुल्मी जिल्लाको मदाने गाउँपालिकामा निशुल्क पशुको स्वास्थ्य शिविर संचालन हुने भएको छ । पालिकाका विभिन्न वडाहरुमा फरकफरक दिन १/१ दिने शिविर संचालन हुने भएको हो ।
गाउँपालिकाको आयोजनामा यहि चैत २६ गते देखि ३१ गते सम्म संचालन हुने पशु स्वास्थ्य शिविर प्रत्येक वडाहरुमा हुने छ । शिविर चैत २६ गते वडा नम्बर १ अग्लुङ्गमा, २७ गते वडा नम्बर २ बाझकटेरीमा, २८ गते वडा नम्बर ३ सिर्सेनीमा, २९ गते वडा नम्बर ५ मलागिरिमा , ३० गते वडा नम्बर ४ म्यालपोखरी,र र ३१ गते वडा ७ भनभनेमा शिविर संचालन हुने बताइएको छ ।
शिविरमा निशुल्क पशुपंक्षी उपचार तथा अौषधी वितरण र पशु बन्ध्याकरण सेवा तथा सुविधा सो पशु शिविरबाट उपलब्ध हुने मदाने गाउँपालिका कृषि शाखाले जनाएको छ ।
