केशवराज क्षेत्री
हुग्दिशिर , १८ वैशाख । बाग्लुङको बरेङ गा.पा २ हुग्दिशिर सक्नेरीमा आगलागी हुँदा एक घर जलेर नष्ट भएको छ । बुधबार दिउँसो करिब २ बजे स्थानीय रन बहादुर पुनको खरको घरमा आगलागी भएको हो ।
छिमेकी ६ वर्षको बालकले पुनको घरमा झुन्डाइएको मकैको झोँतामा लाइटर पार्दा आगलागी भएको थियो ।
आगलागीबाट मानवीय क्षति नभएतापनी लत्ताकपडा, अन्नबाली, दारपात जल्दा करिब ३ लाख ६० हजार बराबरको क्षति भएको छ । स्थानीय युवा तथा महिलाहरुको सक्रियतामा आगो नियन्त्रणमा लिइएको हो । पानीको अभावका कारण आगो नियन्त्रणमा लिन गाह्रो भएको थियो ।
