अनिश शर्मा गैरे
गुल्मी, २ भदौ । अविरल बर्षाको कारणले बडिगाड गाउँपालिका वडा.न.७ मा एक बालिकाको निधन भएको छ ।
बडिगाड गाउँपालिका वडा.न.७ निवासी बुद्धि बहादुर परियारको बर्ष ८ कि छोरि डाँफेपातल आधारभूत विधालयमा कक्षा २ मा अध्ययनरत बिद्यार्थी शर्मिला परियारको निधन भएको वडाध्यक्ष कृष्ण गुरुङ्गले जानकारी दिए ।विद्यालयबाट विदा हुने समयमा ठुलो पानी परिराखेको र बिधार्थिलाई ५ बजे सम्म विधालयमै राखिएको तर शर्मिलाको अभिभाबक बच्चा लिन बिधालयमा आएकोले निजको जिम्मा लगाई पठाएको विद्यालय प्रशासनले बताएको छ ।
बिधालय देखि घर तर्फ आउँदै गर्दा थाम्का सैरेनि मोटरबाटो अन्तर्गत पर्ने थाम्का दोवटा भन्ने ठाउँमा बर्षाको कारणले आईरहेको भलले बगाउदा बालिकाको निधन भएको वडाध्यक्ष गुरुङ्गले पुष्टि गरे ।
गाउँका छरछिमेकले शर्मिलालाई भलले बगाएको सुचना गरेका थिए र निजलाई खोज्दै जाँदा बगाएको ठाउँबाट करिब ८०० मिटरको दुरिको मृत अवस्थामा शर्मिलाको शब भेटिएको थियो ।
घटनास्थलमा वडा अध्यक्षबाट अबलोकन गरि ईलाका प्रहरी कार्यालय भिमगिठेमा र बडिगाड गाउँपालिकामा जानाकारि गराइएको छ । आइतवारको अविरल बर्षाको कारणले बडिगाड गाउँपालिकामा वडा.न.७ मा ठूलो क्षति पुर्याएको अध्यक्ष गुरुङ्गले बताए ।
