गुल्मी । मुसिकोट नगरपालिका ७ वामीबजारस्थित क्षेत्रबहादुर रायमाझीको घरमा शनिबार राति आगलागी भएको छ । आगलागीबाट रायमाझीको घरमा रहेको सौकात अलीका फेन्सी पसल जलेको छ ।
आगो बिजुलीको तार सर्ट भएर लागेको प्रहरीचौकी वामीमा हवल्दार सोमप्रसाद पाठकले बताए । मध्येरातमा लागेको आगो बासिन्दा र प्रहरीले ३ घण्टाको प्रयासमा निभाएका थिए । आगो नियन्त्रणमा आएको थियो ।
फेन्सी संचालक अलीले आगलागीबाट ३२ लाख रुपैयाँ बराबरको सामान जलेको दाबी गरेका छन् । तर प्रहरीले भने क्षतिको बितरण एकीन हुन बाँकी रहेको जनाएको छ । -जनता समाचारबाट
