थप १६ जना सहित गुल्मीमा नयाँ कोरोना संक्रमितको सख्या ५५ पुग्यो, ४ जनाको मृत्‍यु

सन्तोष महतारा
गुल्मी, १३ बैशाख । गुल्मीमा थप १६ जनामा कोरोना भाइरसको संक्रमण पुष्टी भएको छ । दोस्रो लहरको रुपमा फैलिएको कोरोना भाइरसको संक्रमण गुल्मीमा आज मात्र थप १६ जनामा भेटिएको जिल्ला स्वास्थ्य कार्यालय गुल्मीका सुचना अधिकारी पशुपती आचार्यले जानकारी दिए । यो सँगै दोस्रो लहरको रुपमा फैलिएको कोरोना भाइरस गुल्मीका ५५ जनामा पुष्टी भएको छ ।

जसमध्ये १६ जनामा एन्टिजोन परिक्षणमा पोजेटिभ देखिएको छ । बाँकी ३९ जनामा पिसीआर पोजेटिभ देखिएको छ । दोस्रो लहरको रुपमा फैलिएको कोरोना भाइरसका कारण गुल्मीमा ४ जनाको ज्यान गइसकेको छ । गुल्मीमा अहिले कोरोना भाइरसको पिसीआर चेक हुदैन । कर्मचारीलाई तलब नदिई प्रयोगशाला बन्द अवस्थामा रहेको छ । पिसीआर चेकका लागि स्वाब बुटवल पठाउनुपर्ने बाध्यता रहेको छ ।