गोठमा भैंसी दुहुँदै गरेकी १७ बर्षिया सितालाई पहिरोले पुर्‍यो

बागलुङ, साउन ०७ । सोमबार रातिदेखिको अविरल वर्षाका कारण पहिरो जाँदा गलकोट नगरपालिका–८ एक किशोरीको मृत्यु भएको छ । मंगलबार बिहान गोठमा भैंसी दुहँदै गरेकी १७ वर्षीया सीता गौतमको पहिराले पुरिएर मृत्यु भएको हो । उनीसँगै पहिराले भैंसी, पाडो र २ वटा बाख्रा पुरेको छ ।

जिल्ला प्रहरी कार्यालय बागलुङका प्रहरी नायव उपरीक्षक झविन्द्रप्रसाद भट्टराईका अनुसार पिताम्बर गौतमको घर नजिकबाट खसेको पहिरोले भैंसी दुहँदै गरेकी गौतमलाई पुरेकाे थियाे ।