गुल्मी, कार्तिक २८ । बुटवलदेखी गुल्मीको वामीटक्सार आउँदै गरेको मोटरसाइकललाई ट्रकले ठक्कर दिँदा वामीका एक युवा घाइते भएका छन् ।
लु १ क ३४८७ नम्बरको ट्रकले बिपरीत दिशाबाट आएको लु ५३ प ४६३० नम्बरको मोटरसाइकलाई ठक्कर दिदा वामी टार बस्ने २७ बर्षीय मिलन श्रेष्ठ घाइते भएका हुन् ।
चन्द्रकोट गाँउपालिका ७ रुपाकोट सोतामा भएको उक्त घटनामा परी घाइते श्रेष्ठको बाँया हात भाचिएको, मुख र खुट्टामा चोट लागेको गुल्मी प्रहरीले जनाएको छ ।
उनको स्थानीय मेडिकलमा सामान्य उपचार पछि पाल्पा रिफर गरिएको छ । ठक्कर दिने ट्रक र सवारी चालकलाई प्रहरीले नियन्त्रणमा लिएको जनाएको छ । -ज्योतिन्युज डट कम
