विवश विष्ट
मदाने, २५ बैशाख । गुल्मीको मदाने गाउँपालिकामा थप ६ जना कोरोना संक्रमित भएका छन । ६ जनाको एन्टिजन विधिबाट परिक्षण गर्दा ६ जनाको पोजेटिभ आएको हो । यो संगै मदाने गाउँपालिकामा संक्रिय संक्रमित २१ पुगेको जिल्ला प्रशासन कार्यालय गुल्मीले जनाएको छ । सक्रिय संक्रमित गाउँपालिकाका विभिन्न वडाका रहेका छन ।
पछिल्लो समय विश्वव्यापि फैलिएको कोभिड १९ को दोस्रो लहर नियन्त्रण तथा रोकथामका लागि मदाने गाउँपालिकाले सक्रियता देखाएको छ । कोरोना भाइरसबाट संक्रमित भई थप उपचारका लागि मदाने वडा ४ म्यालपोखरीमा १० बेडको आइशोलेसन सहितको मदाने कोभिड अस्पताल निर्माण गरिएको छ । २ वटा अक्सिजन कन्सन्ट्रेसन र ६ अक्सिजन सिलिन्डर सहित १० बेडको मदाने कोभिड अस्पताल गाउँपालिकाले निर्माण गरेको हो । साथै मदानेमा आइसियु बेड र भेन्टिलेटर बेड छैनन।
एन्टिजेन पोजेटिभ देखिएका राजेश राउतको अक्सिजन लेभल कम भएपछि मदाने कोभिड अस्पताल भर्ना गरिएको थियो । उन निको भई शनिबार डिस्चार्ज भएका छन । कोभिड १९ देखिएका उनलाई अक्सिजन लेवल कम भई कोभिड अस्पतालमा भर्ना गरिएको थियो । उपचार गरेसँगै शनिबार बिहान डिस्चार्ज गरेको मदाने कोभिड अस्पतालले जानकारी दिएको छ ।
