गुल्मीमा मलामी गएका पुरुष खोलामा खसेर वेपत्ता, खोजी कार्य जारी

गुल्मी, साउन १४ । गुल्मीमा मलामी गएका एक पुरुष बडिगाड खोलामा खसेर बेपत्ता भएका छन् ।

जिल्लाको गुल्मीको मुसिकोट नगरपालिका वार्ड न ४ का तुलबहादुर अधिकारी शनिबार दिउंसो बडिगाड खोलामा खसेर वेपत्ता भएका हुन् । छिमेकीको मलामी गएका अधिकारी भुवाचिदी स्थित नगरपालिकाको वडा नं ४ र ६ जोड्ने पुल नजिकै चिप्लेर खोलामा खस्दा वेपत्ता भएका हुन् ।

अधिकारीलाई चिप्लेर खोलामा खसे लगत्तैबाट स्थानिय र प्रहरीको सक्रियतामा खोजी कार्य थाले पनि फेला पार्न सकिएको छैन । उनको खोजि कार्य जारी रहेको प्रहरीले जनाएको छ ।