गुल्मीमा ट्याक्टरको ठक्करबाट एक जनाको मृत्यु

जनक पन्थ
गुल्मी, कार्तिक १६ । गुल्मीमा ट्याक्टरको ठक्करबाट एक जनाको मृत्यु भएको छ । जिल्लाको गुल्मीदरवार गाउँपालिका वडानम्बर–४ बिरवास निवासी ७८ वर्षकी देउकुमारी रानाको मृत्यु भएको प्रहरीले जनाएको छ ।

मंगलरवार रिडीबाट तम्घास तर्फ आउदै गरेको लु ४ त २८४७ ट्याक्टरले बिरवासमा ठक्कर दिँदा घाइते रानाको थप उपचारको लागि बुटवल तर्फ लैजाने क्रममा बाटोमै मृत्यु भएको हो । २२ बर्षिय चालक महेद्रकुमार घर्ती र ट्याक्टर नियन्त्रण रहेको प्रहरीले जनाएको छ ।