गुल्मी, मंसिर ०२ । गुल्मीमा अटोरिक्सा दुर्घटना हुँदा २ जना घाईते भएका छन् । जिल्लाको रुरु क्षेत्र गाउँपालिका स्थित ठाडा खोला रामपाटीमा बिहीवार भएको अटोरिक्सा दुर्घटनामा २ जना घाईते भएका हुन् ।
लु.१.घ ३१०१ नम्बरको अटोरिक्सा भट्कुवाबाट रिडी तर्फ जाँदै गर्दा दुर्घटना भएको हो । अटोरिक्सा अनियन्त्रित भई सडकबाट करिब ३० मिटर तल खसेको प्रहरीले जानकारी दिएको छ ।
दुर्घटनामा घाइते हुनेहरुमा शेर बहादुर क्षेत्री र रमेश क्षेत्री रहेका छन् । सामान्य घाईते रहेका उनिहरुलाई उपचारको लागि पाल्पा स्थित मिसन अस्पताल पठाईएको छ ।
