काठमाण्डौं
कुवेतमा रहेको नेपालीहरुको संस्था “सगरमाथा परोपकारी समाज कुवेत”बाट राष्ट्रिय आविष्कार केन्द्रका अध्यक्ष एवं सामाजिक अभियन्ता महाविर पुनलाई आर्थिक सहयोग हस्तान्तरण गरिएको छ ।
सामाखुशी स्थित रातोभाले रेष्टुरेन्टमा एक कार्यक्रम गरी संस्थाका उपाध्यक्ष श्री निम केसीबाट नगद रु १ लाख ६ हजार रकम हस्तान्तरण गरिएको थियो । सहयोग हस्तान्तरण पछि बोल्दै उपाध्यक्ष केसीले सहयोग रकमले आविष्कार केन्द्रले आगामी दिनमा अझ शसक्त काम गरोस भन्ने कामना व्यक्त गरे ।
त्यस्तै आविष्कार केन्द्रका अध्यक्ष महाविर पुनले आविष्कार केन्द्रको काम अगाडी बढिरहेको र निकट भविष्यमा यसले गति लिदैं राष्ट्रको प्रतिभा जोगाउन महत्वपूर्ण भूमिका खेल्ने बताए ।
सगरमाथा परोपकारी समाज कुवेदले विदेशमा रहेर पनि स्वदेसका विभिन्न क्षेत्रमा सहयोग गर्दै आएको छ भने राष्ट्रिय अविष्कार केन्द्र काठमाण्डौंले देशका हरेक क्षेत्रको अनुसन्धान गर्दै ति क्षेत्रमा प्रतिभा जन्माउँदै उनिहरुलाई प्रोत्साहित गर्दै आएको छ ।
उक्त संस्थामा हाल सम्म करिव ६ करोड जम्मा भई गत ६ महिना देखि उद्देश्य अनरुपको काम सुरु गरिएको अध्यक्ष पुनले बताए ।
