एनआरएन यूकेको सल्लाहकार समितीको टुंगो लगाएको छ । गत आइतबार बसेको एनआरएन यूकेको बैठकले २ सय ९३ सदस्यीय सल्लाहकार समिती चयन गरेको हो ।
एनआरएन, राजनीतिक संगठनका नेता, सामाजिक व्यक्तित्व, व्यवसायी, युवा र मिडिया क्षेत्रहरुबाट २९३ जना सल्लाहकार छनौट गरिएको एनआरएन युकेले जनाएको छ ।
एनआरएन यूकेले १ सय ४४ जना विभिन्न संघसंस्थाका अध्यक्ष, पदाधिकारी तथा समुदायका अगुवाहरुबाट सल्लाहकार छानेको छ भने १ सय १७ जना एनआरएन, नेपालका राजनीतिक दलनिकट संगठनका नेता, सामाजिक व्यक्तित्व तथा व्यवसायीहरुबाट छानिएका छन् ।
मिडियाको क्षेत्रमा सक्रिय रहेकाहरुबाट २३ जनालाई सल्लाहकारहरु मनोनित गरिएको छ भने युवाहरुको प्रतिनिधित्व गराएर ९ युवालाई सल्लाहकार बनाइएको छ ।
मनोनित सल्लाहकारहरुलाई आउँदो सोमबार अल्डरसटमा हुने कार्यक्रममा एनआरएन केन्द्रीय अध्यक्ष भवन भट्ट, पूर्व अध्यक्ष जीवा लामिछाने लगायतबाट खादा ओढाएर स्वागत गर्ने कार्यक्रम रहेको छ ।
