gulminews logo
शुक्रबार, २०७९ जेष्ठ ६

स्वास्थ्य चौकीले सुत्केरी विरामीलाई फर्काएको स्थानीयको गुनासो, स्वास्थ्य चौकी भन्छ सामान अभावले गर्दा फर्काईएको हो

Share on facebook
Share on twitter
Share on whatsapp
Share on email

सागर भण्डारी
गुल्मी, चैत २३ । मुसिकोट नगरपालिका वडा नं ७ वामीटक्सार बजारमा रहेको वामी स्वास्थ्य चौकीले सुत्केरी विरामीलाई फर्काएको स्थानीयले गुनासो गरेका छन् ।

वडा नं ७ सेराकी धनीकला रानाले आफ्नी बुहारी सिता रानालाई सुत्केरी बेथा लागेपछि चैत्र १६ गते विहान वामी स्वास्थ्य चौकीमा फोन गरेर बुझ्दा स्वास्थ्य चौकीमा कोरोना भाईरसको चेकजाँच भईरहेको र यहाँ नल्याउन भनेको बताउनुभयो । ३ दिन अगाडी देखि नै बुहारीलाई सुत्केरी बेथाले च्यापेपछि घरमै सुत्केरी गराउन कोशिस गरेपनि नभएपछि १६ गते स्वास्थ्य चौकीमा लैजानका लागि फोन गरेर बुझ्दा यस्तो बताएको उहाँले जानकारी दिनुभयो । स्वास्थ्य चौकीमा कोरोनाको जाँच भएको र पाल्पा लैजान भनेपछि उहाँले मजुवामा फोन गर्दा मजुवामा समेत प्रसुती सेवा नहुने भनेपछि पाल्पा लगेर जान परेका उहाँले गुनासो गर्नुभयो ।

वडा नं ७ का वडासदस्य लक्ष्मण खरालले ऐम्बुलेन्सको व्यवस्था गरेपछि लुम्बीनी मेडिकल कलेड प्रभास पाल्पामा लगेर सुत्केरी गराउनु परेको उहाँले दुखेसो गर्नुभयो । १६ गते बेलुकी सिताले छोरी जन्माउनुभएको छ ।

स्वास्थ्य सामाग्रीको अभावले यस्तो भनिएको हो: स्वास्थ्य चौकी प्रमुख

यस विषयमा बुझ्दा वामी स्वास्थ्य चौकीका प्रमुख त्रिविक्रम केसीले उहाँको उपचार नगर्ने नियतले नभई कोरोनाको बढ्दो जोखिम र स्वास्थ्य चौकीमा प्रयाप्त स्वास्थ्य सामाग्री पीपीई लगायतका सामाग्रीको अभाव भएकाले उहाँलाई यस्तो आग्रह गरिएको बताउनुभयो ।

उहाँको परिवारमा एकजना भारतबाट आउनुभएको रहेछ स्वास्थ्य चौकीमा पनि कोरोनासगं सम्बन्धित विरामी आउने भएकाले जोखिम नहोस भनेर स्वास्थ्य चौकीमा नल्याउन आग्रह गरिएको उहाँले बताउनुभयो ।

यो पनि पढ्नुस्

मेयर पन्थीका उत्साहित संकल्प: साढे दुई घण्टामा बुटवल–तम्घास, भ्रष्टचार हुन दिन्न, सिफारिस नपाएर रुन दिन्न

टोपलाल अर्यालगुल्मी, १ जेठ । रेसुंगा नगरपालिका नव–निर्वाचित मेयर खिलध्वज पन्थीले नगरमा अब कसैले भ्रष्टचारको

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D