जिल्ला समाचार

मुसिकोट नगरपालिकाले खानेपानीको क्षेत्रमा महत्वपूर्ण उपलब्धी हासिल गरेको छ: नगरप्रमुख सापकोटा

कौरव खत्री
गुल्मी, ११ माघ । गुल्मी मुसिकोटमा अमलडाडा खालधारा खानेपानी तथा सरसफाई योजनाको उद्घाटन गरिएको छ । शनिवार खानेपानीको उद्घाटन गर्दै प्रमुख अतिथि मुसिकोट नगरपालिकाका नगरप्रमुख सोमनाथ सापकोटाले नगरपालिकाले खानेपानीको क्षेत्रमा महत्वपूर्ण उपलब्धी हासिल गरेको बताउनुभएको छ ।

वडा नं ३ मा अमलडाँडा खालधारा खानेपानी तथा सरसफाई योजनाको उद्घाटन गर्दै सापकोटाले एक घर एक धारा कार्यक्रम प्रभावकारी बन्दै गएको बताउनुभयो । खानेपानीको पहुँच भन्दा बाहिर रहेका झण्डै ७ हजार ५ सय घरधुरीमध्ये अहिले ३५ सय घरधुरीमा खानेपानी पुग्नु ठुलो उपलब्धी भएको उहाँको भनाई थियो ।

पहिले डोकोमा बोकेर कष्टकर रुपमा कुवा र ताल तलाउको पानी खान बाध्य स्थानीयको अहिले भने घर घरमै धारो पुगेको भन्दै उहाँले नागरिक समक्ष जारी गरेको प्रतिबद्धता पुरा हुने चरणमा रहेको दावी गर्नुभएको थियो । उक्त खानेपानी योजना लुम्बिनी प्रदेश सरकार र मुसिकोट नगरपालिकाको ७२ लाख र स्थानीयहरुको सहयोग गरी झण्डै १ करोडको लागतमा सम्पन्न भएको हो । आयोजनाबाट १ सय ५६ घरधुरी लाभान्वित भएका छन् । उद्घाटन समारोहमा आयोजनालार्ई सफल बनाउन सहयोग पु¥याउने उपभोक्ता समिति पदाधिकारी र अन्य क्षेत्रबाट योगदान पु¥याउनुहुने सरोकारवालाहरुलाई सम्मान समेत गरिएको थियो ।

कार्यक्रमा प्रमुख प्रशासकिय अधिकृत खिमानन्द भुसालले खानेपानी योजना सफलता पूर्वक निर्माण सम्पन्न गरेकोमा उपभोक्ता समितिलाई बधाई दिँदै मानिसको रगत र पानीको विकल्प नभएकोले यसको दिगो व्यवस्थापनमा ध्यान दिन आग्रह गर्नुभएको थियो । कार्यक्रममा मुसिकोट नगरपालिका वास संयोजक सिता भुषालले खानेपानी आयोजनाहरु वर्षौसम्म टिकाई राख्न उपभोक्ता समितिका पदाधिकारीहरुलाई नगरपालिकाले प्राविधिक तालिम दिँदै आएको बताउनुभयो । उहाँले आयोजना सम्पन्न मात्रै हुनुभन्दा पनि त्यसको उपभोग चीरकालसम्म हुने गरी काम गर्न आग्रह गर्नुभयो ।

कार्यक्रममा नेपाली काँगे्रस मुसिकोट नगरपालिका छाँया सरकार प्रमुख झविलाल भण्डारी,मुसिकोट नगरपालिकाका कानुनी सल्लाहकार अनन्तलाल भण्डारी, मुसिकोट नगरपालिका वडा न २ का वडाध्यक्ष लक्ष्मण खत्री, वडा नं ४ का वडाध्यक्ष ओम बहादुर केसी वडा न ८ वडाध्यक्ष एवं एक घर एक धारा संयोजक नारायण सापकोटा, वडा ३ का वडाध्यक्ष कर्णध्वज जि.सि लगायतले शुभकामना राख्नु भएको थियो ।

कार्यक्रममा खानेपानीका समिति,प्राविधिक तथा खानेपानीका विभिन्न क्षेत्रमा रहेर योगदान गनुहुने व्यक्तिहरुलाई सम्मान समेत गरिएको थियो । त्यस्तै यस आर्थिक वर्षमा थप १० वटा आयोजनाहरु सम्पन्न हुने र जसबाट थप १ हजार घरधुरीमा खानेपानीको धारा पुग्ने नगरपालिकाले जनाएको छ । ५ वर्षे कार्यकाल भित्र नगरपालिकाले प्रत्येक नागरिकको घरमा एक घर एक धारा पुर्याउने अठोट लिएको छ ।

मुसिकोट नगरपालिकाको एक घर एक धारा कार्यक्रम अन्तर्गत अहिलेसम्म ३२ वटा खानेपानी आयोजना सम्पन्न हुँदा ३ हजार ५ सय घरधुरीमा खानेपानीको पहुँच पुगेको छ । कार्यक्रम अमलडाँडा खालधारा खानेपानी तथा सरसफाइ उपभोक्क्ता समितिका अध्यक्ष गणेशलाल भण्डारीको अध्यक्षता वडा सदस्य गणेश कुंवरको स्वागत मन्तव्यसँगै शुरु भएको कार्यक्रमको सञ्चालन भने तोलादी प्राविका प्रधानाध्यापक मधु मल्लले गर्नु भएकोे थियो ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D