भक्तपुर, १ असार । नयाँ ठिमीबाट सल्लाघारीतर्फ जाँदै गरेको मोटरसाइकल सल्लाघारीमा दुर्घटना हुँदा एक जनाको मृत्यु भएको छ ।
सडकका रहेको चौपायासँग ठोक्किनबाट जोगिन खोज्दा बा ५५ प २५२७ नं को मोटरसाइकल अनियन्त्रित भई पल्टिएको हो । दुर्घटनामा मोटरसाइकल चालक गुल्मी घर भई भक्तपुर बस्दै आएका १८ वर्षीय किरण श्रेष्ठको मृत्यु भएको प्रहरीले जनाएको छ ।
महानगरीय प्रहरी परिषर भक्तपुरका अनुसार दुर्घटनामा घाइते भएका मोटरसाइकलको पछाडि सवार बागलुङ घर भई भक्तपुर बस्दै आएका २१ वर्षीय सुन्दर खड्काको भक्तपुर अस्पतालमा उपचार भइरहेको छ ।
