प्रवास

फिन्निश नेपाली समाजले फिन्ल्यान्डमा तीज गीत प्रतियोगिता आयोजना गर्ने

सन्जु काउछा
हेल्सिन्की । फिन्ल्यान्डको राजधानी हेल्सिन्की भब्य तीज गीत प्रतियोगिता आयोजना हुने भएको छ । फिन्निश-नेपाली समाजको आयोजनामा हरितालिका तीजको अवसर पारेर उक्त प्रतियोगिता आयोजना गर्न लागिएको हो । आगामी सेप्टेम्बर ०२ तारिख आईतबारका दिन हेल्सिन्की स्थित कोन्तुलामा सम्पन्न हुने कार्यक्रममा फिन्ल्यान्डका बिभिन्न स्थानहरुमा रहेका नेपाली संघसंस्था तथा दिदिबहिनीहरुको समुहले सहभागीता जनाउने अपेक्षा रहेको आयोजकहरुले बताए ।

फिन्ल्यान्डमा आफ्नो मौलिक कला र संस्कृति जगेर्नाको पहलमा एउटा छुट्टै पहिचान बनाएको फिन्निश-नेपाली समाजले नेपाली चाडबाडहरुमा हरेक बर्ष बिबिध कार्यक्रमहरु आयोजना गर्दै आईरहेको छ । यस पटकको तीजमा पनि अघिल्लो बर्ष जस्ताइ बिशेष प्रतियोगितात्मक कार्यक्रम आयोजना गर्न लागिएको हो । कार्यक्रम नितान्त आफ्नै मौलिक कला र आफ्नै बाध्ध्यबाधनका साथ हुने भएकोले अत्यन्तै मनोरन्जनात्मक हुने पनि आयोजक कमिटिको दावी छ ।

फिन्ल्यान्डका बिभिन्न स्थानमा रहनुभएका सम्पूर्ण नेपाली दाजुभाई तथा दिदीबहिनीहरुलाई उपस्थित भै भरपुर मनोरंजन लिनुहुन सँस्थाले फिन्ल्यान्डवासी सबैमा अनुरोध गरेको छ । यसपटकको कार्यक्रम अघिल्ला बर्षहरुमा भन्दा थापा ब्यवस्थित र भब्य हुने त्यस्तै उल्लेख्य मात्रामा नेपाली दाजुभाई दिदि-बहिनीहरुको उपस्थीती हुनेमा आफु बिश्वस्त रहेको समाजका अध्यक्ष हेमराज शर्माले बताए ।

१० युरो प्रवेश शुल्क तोकिएको कार्यक्रममा उपस्थित सबै दर्शकहरुलाई समाजले खानपिनको पनि ब्यवस्था गरेको छ । दिउँसो १ बजे देखी शुरु हुने कार्यक्रम बेलुका ९ बजे सम्म चल्ने बताईएको छ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D