जिल्ला समाचार

धादिङमा दुर्घटना परेर निधन भएका गुल्मीका विकासको स्मृतिमा साढे ५ लाख रुपैँयाको कोष स्थापना

टोपलाल अर्याल
गुल्मी, १४ पुस । इस्माली समाज काठमाण्डौको साधारण सभाकै अवसरमा इस्मा गाउँपालिका स्तरिय ‘विकास अर्याल स्मृति कोष’ स्थापना गरिएको छ ।

इश्मा गाउँपालिका ३ दर्लामचौरका विकाश अर्यालको ०७३ साउन २४ गते धादिङ्गमा सडक दुर्घटनामा परि निधन भएको थियो । दिवङ्गत विकाशको सम्झनामा परिवारले पाँच लाख ५५ हजार पाँच सय ५५ रुपैयाँको स्मृति कोष स्थापना गरेको विकाशका दाजु कृष्ण अर्यालले बताए ।

स्व. अर्याल

कोषको व्याजबाट इस्माली समाजले सरकारी तथा सार्वजनिक निकाय, शिक्षा, स्वास्थ्य, कृषि तथा पशुपालन, कला संस्कृति र समाज सेवाका विभिन्न पक्षको मुल्यांकन गरेर प्रत्येक विधामा समाजले निर्धारण गरेको पुरस्कार प्रमाणपत्र प्रदान गरिने अर्यालले बताए । गत बर्ष पनि विकाशको स्मृतिमा परिवारले सम्झनामा ४५ वटा घडि वितरण गरेको थियो ।

इस्मा गाउँपालिकाको कार्यालय, इस्मा स्वास्थ्यचौकी र गाउँपालिकाका सवै ४३ वटा बिद्यालयका लाई घडि वितरण गरेको अर्का दाजु सागर अर्यालले बताए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D