प्रवास

गुल्मी जिल्ला समाज यूकेको च्यारिटी डिसेम्बर ५ मा

लन्डन, अक्टोबर १७ । गुल्मी जिल्ला समाज यूकेले हरेक बर्ष गर्दै आएको च्यारिटी कार्यक्रम आगामी डिसेम्बर ५ तारिखमा सम्पन्न हुने भएको छ । विश्व अपांगता दिवसको अवसर पारेर समाजले यो बर्ष पनि बेलायतमा च्यारिटी कार्यक्रम आयोजना गर्न लागेको हो ।

आईतबार सम्पन्न समाजको बैठकले डिसेम्बर ५ आईतबारका दिन साउथ इष्ट लन्डनको चार्ल्टनस्थित ‘लेडी अफ ग्रेस’ हलमा कार्यक्रम आयोजना गर्ने निर्णय गरेको छ ।

कोभिड महामारीका कारण गत वर्ष भर्चुअल रुपमा सम्पन्न गरेको कार्यक्रम यस वर्ष भने भौतिक उपस्थितिमै गरिने सहमती भएको समाजले जनाएको छ ।

च्यारिटी कार्यक्रमबाट संकलित कोषबाट विगतमा जस्तै केही रकम तम्घासस्थित आशा अपांग केन्द्रलाई सहयोग गरिनेछ भने बांकी रकम समाजका अन्य परोपकारी कार्यमा लगाइनेछ ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D