गुल्मीमा भिरबाट लडेर एक जनाको मृत्यु

टोपलाल अर्याल
गुल्मी, ९ कार्तिक । गुल्मीको इस्मा गाउँपालिका ५ इस्मा रजस्थलकी एक महिलाको बिहिवार भिरबाट लडेर ज्यान गएको छ । बिहान ९ बजे स्थानीय माझी भिरमा घाँस काट्न गएकी ४५ बर्षिया पम्फा परियारको भिरबाट लडेर ज्यान गएको प्रहरीले जनाएको छ । घाइते भएकी उनलाई स्थानीय स्वास्थ्यचौकी ल्याउँदै गर्दा बाटोमा ज्यान गएको जिल्ला प्रहरी कार्यालय गुल्मीका प्रहरी सहायक निरिक्षक सत्य नारायण यादवले बताए ।