साहित्य

गुल्मीका अर्यालको लण्डन भोगाई “थेम्स डायरी” बजारमा

सन्जु काउछा
गुल्मी स्थाई घर भई हाल बेलायतमा बस्दै आएका गुल्मीका एक युवाले “थेम्स डायरी” नामक पुस्तक प्रकाशित गरेका छन् । झन्डै १ दशक देखीको आफ्नो लण्डन भोगाई, संघर्ष र सफलताको अनुभबहरुको सँगालो स्वरुप रवि अर्यालको उक्त पुस्तक बजारमा ल्याएका हुन् । गुल्मी जिल्ला चन्द्रकोट गाउँपालिका वार्ड नं ८ (साविकको तुराङ दाङसिङ) घर भएका अर्याल झन्डै १ दशक देखी बेलायतमा बस्दै आएका छन् ।

बुलबुल पब्लिकेशन मार्फत बजारमा आएको उक्त पुस्तकको छिट्टै एक औपचारिक कार्यक्रम गरी बेलायतमा विमोचन गराउने लेखले फेसबुक मार्फत सार्वजनिक गरेका छन् ।
thames diary
विभिन्न पत्रपत्रिकाहरुमा समेत नियमित रुपमा समसामयिक लेख, रचना र कथाहरु प्रकाशित गर्दै आएका अर्याल चोटिला र रमाइलो स्टाटसहरुका कारण सामाजिक सञ्जाल प्रयोगकर्तामाझ पनि लोकप्रियता कमाउन सफल छन् ।

पुस्तक प्रकाशित भए लगत्तै एक पाठक लीलाधर पौडेलले यस्तो प्रतिकृया दिएका छन्, “रवि अर्यालद्वारा लिखित रोमान्टिक उपन्यास थेम्स डायरी पढेर सकियो । सुरुका केही पन्नाहरु पढ्दा लेखक चुकेछन झैं लाग्यो तर कथाले गति लिन थालेपछि छोड्नै मन लागेन । पात्रहरुले अँठ्याउंछन् । बिम्ब र रोमान्सले भुलाउंछ ।” उनी अगाडी थप्छन्, “पढ्दा एकछिन् संसार भुलेर अर्कै काल्पनिक दुनियांमा डुबुल्कि मारेझैं बनाउँछ ।जेहोस अन्त्य पनि रमाइलै पाराले बीट मारेका रहेछन । उनको यो प्रयासको सफलताको कामना गर्छु । लन्डनमा बस्ने युवायुवतीको जिन्दगीसंग धेरै नजिकिएको यो पुस्तक सबैले पढ्दा समय खेर फालेको अनुभव गर्नुपर्ने छैन । शुभकामना !”

थेम्स डायरी पढ्न चाहने नेपाल बाहिरका पाठकहरुले लागि छिट्टै अन्लाईनमा ईबे (Ebay) मार्फत अर्डर गर्ने ब्यवस्था गर्न लागिएको र हालको लागि उपन्यासको फेसबुक पेजमा मेसेज गरी लेखक स्वयमलाई सम्पर्क गरेर आफ्नै ठेगानामा मगाउन सकिने लेखक अर्यालले जानकारी दिए । त्यस्तै नेपाल भित्रका पाठकहरुको लागि तल उल्लेखित स्थानहरुमा पुस्तक उपलब्ध हुने पनि अर्यालले जानकारी दिए:

चितवन: सुनगाभा पब्लिकेसन,नारायणगढ बजार
बुटवल: हिमालय बुक हाउस,विशाल पुस्तक सदन,प्रभात बुक्स
गुल्मी: जनता स्टेशनरी पसल, तम्घास
पोखरा: सिस्ने पुस्तक पसल

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D